伏牛勇士
作词 : 方基
灵鸡呀 ，灵呀鸡，你系玉皇三太子，贬落凡间作雄鸡，一到时辰高声啼，我今开喉唱卖鸡，伏牛勇士作话题。
天刚收起雾，阳光满地铺，将近吃饭个时途，耕牛绹齐塘基未出田土。 五丰村有只未阉嘅大牛牯，打脱鼻绳随地拖，岳起个牛头好似条白颈芋。见牛就斗恶过生老虎，比佢斗倒一只牛母，斗穿个牛肚，又去斗牛牯。有两只大牛挣脱牛绳共佢来比武，沙尘滚滚好似三英战吕布，踏烂尿埕无法计数，牛尿满地好似水浸金山寺。吓到细佬哥，走到甩细裤，村中的婶姆走到面青唇白吹着隔夜个风炉，附近几家闩门又闩户，一班后生哥， 好似碌木眼梭梭， 想去制阻又冇符。
新郎哥，阿方有祚，吃饭吃到半碌路，还撑紧枱脚啱啱夹起块鹅，听闻嘈吵唔知乜头路，立即放下饭碗共筷子，走出塘基睇睇乜事故，哗！原来三牛相斗如狼虎，若然唔及时来制阻，耕牛死伤太无辜，村民损失财富，影响生产阻碍耕锄。
方有祚，立即卷起衫袖共条裤，候定机会来摆布。见该只未阉嘅大牛牯，斗走两只大牛未算数，还岳起个牛头眼梭梭。阿方有祚，上前伸手想捉牛鼻箍，谁料佢两角相斗来对付，你退一步，佢就进一步， 险过老虎头壳捉虱子，最之担心系佢个老婆，恐防斗倒个丈夫，离远就大声疾呼，但系冇人敢埋去帮助，好在阿方有祚，学过几路功夫，识得好几度，身轻如燕子，牛斗右来佢闪左，眼急手快来应付，候定牛牯防范疏，立即一个箭步，双手捉紧牛鼻箍， 好似武松打老虎，揽起个牛头牛牯冇符。
方有祚，平息一场斗牛风波，当村民问佢怎解该胆粗，佢话一切为了条村来打数，所以当时乜危险都唔顾，村民听完深受鼓舞，纷纷表示学习有祚哥。晚稻收割妥，评功表模大会来公布， 阿方有祚，佢红花戴上当英模！
开平卖鸡调
伏牛勇士LRC歌词
作词 : 方基
灵鸡呀 ，灵呀鸡，你系玉皇三太子，贬落凡间作雄鸡，一到时辰高声啼，我今开喉唱卖鸡，伏牛勇士作话题。
天刚收起雾，阳光满地铺，将近吃饭个时途，耕牛绹齐塘基未出田土。 五丰村有只未阉嘅大牛牯，打脱鼻绳随地拖，岳起个牛头好似条白颈芋。见牛就斗恶过生老虎，比佢斗倒一只牛母，斗穿个牛肚，又去斗牛牯。有两只大牛挣脱牛绳共佢来比武，沙尘滚滚好似三英战吕布，踏烂尿埕无法计数，牛尿满地好似水浸金山寺。吓到细佬哥，走到甩细裤，村中的婶姆走到面青唇白吹着隔夜个风炉，附近几家闩门又闩户，一班后生哥， 好似碌木眼梭梭， 想去制阻又冇符。
新郎哥，阿方有祚，吃饭吃到半碌路，还撑紧枱脚啱啱夹起块鹅，听闻嘈吵唔知乜头路，立即放下饭碗共筷子，走出塘基睇睇乜事故，哗！原来三牛相斗如狼虎，若然唔及时来制阻，耕牛死伤太无辜，村民损失财富，影响生产阻碍耕锄。
方有祚，立即卷起衫袖共条裤，候定机会来摆布。见该只未阉嘅大牛牯，斗走两只大牛未算数，还岳起个牛头眼梭梭。阿方有祚，上前伸手想捉牛鼻箍，谁料佢两角相斗来对付，你退一步，佢就进一步， 险过老虎头壳捉虱子，最之担心系佢个老婆，恐防斗倒个丈夫，离远就大声疾呼，但系冇人敢埋去帮助，好在阿方有祚，学过几路功夫，识得好几度，身轻如燕子，牛斗右来佢闪左，眼急手快来应付，候定牛牯防范疏，立即一个箭步，双手捉紧牛鼻箍， 好似武松打老虎，揽起个牛头牛牯冇符。
方有祚，平息一场斗牛风波，当村民问佢怎解该胆粗，佢话一切为了条村来打数，所以当时乜危险都唔顾，村民听完深受鼓舞，纷纷表示学习有祚哥。晚稻收割妥，评功表模大会来公布， 阿方有祚，佢红花戴上当英模！
开平卖鸡调
