英语教室歌词

ABCD 英語老師 哩哩囉囉 吱吱翱翱 教阮讀書 照看烏板 趕緊來讀一兩句 標準發音 好好來讀新名詞 大聲和齊無認輸 ABCD 英語老師 哩哩囉囉 吱吱翱翱 教阮讀書 鳥在窗外 啼啼叫叫唱歌詩 妹妹弟弟 頭殼斡來又斡去 完全聽攏袂入耳 毋通這款歹模樣 毋通遮爾袂曉想 害著老師 害著老師 攏無辦法通應付 ABCD 英語老師 哩哩囉囉 吱吱翱翱 教阮讀書 比手搖跤 舉止行動若跳舞 態度認真 步步教法好功夫 愛欲大家有興趣 ABCD 英語老師 哩哩囉囉 吱吱翱翱 教阮讀書 一台飛機 嘘嘘呼呼在窗前 妹妹弟弟 看來看去無心閒 英語完全念袂清 怎樣教攏袂分明 怎樣遮爾無正經 害著老師 害著老師 想無辦法頭注注 ABCD 英語老師 哩哩囉囉 吱吱翱翱 教阮讀書 踮在烏板 畫山畫水佮畫厝 用著籐條 項項說明英語句 教法毋願來認輸 ABCD 英語老師 哩哩囉囉 吱吱翱翱 教阮讀書 一隻老鼠 吱吱啾啾走入來 妹妹弟弟 跳來跳去笑嗨嗨 有的無膽大聲哀 毋通這款嘿嘿趒 哪有啥物通好笑 害著老師 害著老師 叫苦的聲親像牛