离别月台票
作词：洪换秋
作曲：示夸田宗孝

为着要甲伊相见，走甲面青青，
前后气喘弄未离，满身流汗点点滴，
无情夜车做伊来开出去，害阮看无伊，
大声叫伊名字，伤心泪滴，月台票替阮悲，
啊．．啊．．再会啦再会啦，抹得再相见。

料想伊会来受气，讲阮无情义，
一定会怨恨阮是，假情假意对待伊，
 
想要等到离别时再见面，表明阮心意，
到如今抹得见，已经失时，火车螺声哀悲，
啊．．啊．．再会啦再会啦，抹得再相见。

夜快车已经开去，消失黑暗暝，
车后灯微微闪炽，照阮目睭红吱吱，
请你原谅阮不是不表明，阮的真情意，
月台边头犁犁，像染重病，心爱的已经去，
啊．．啊．．再会啦再会啦，抹得再相见。